منتديات وينكى لرياض الاطفال

مرحبا نتمنى التسجيل معنا لتفيدى و تستفيدى و نتبادل الخبرات سويا
منتديات وينكى لرياض الاطفال

مرحلة رياض الاطفال و معلمات الروضة


    الاعداد الشقيه

    شاطر
    avatar
    وينكى

    انثى عدد المساهمات : 353
    تاريخ التسجيل : 08/02/2011
    العمر : 32
    الموقع : http://winky.alamontada.com
    العمل/الترفيه : معلمة اطفال

    الاعداد الشقيه

    مُساهمة من طرف وينكى في الجمعة يونيو 24, 2011 2:32 am




    اســـــــــــم المسرحية:الأعداد الشقية
    الهــــــــــدف :1- ان يتعرف الطفل علي الأعداد من 1 الى 10
    2- ان يكتسب الطفل مفهوم الترتيب من خلال ترتيب الأعداد من 1 الى 10
    3- ان يتعرف الطفل علي المدلول وقيمة العدد
    4- الترفيه عن الاطفال وادخال السرور والبهجة عليهم
    5- تنمية عضلات الطفل الدقيقة من خلال تعليمه تحريك العرائس
    6- تنمية الخيال والابتكار لدي الطفل
    7- اثراء المحصول اللغوي لدي الطفل من خلال الحوار
    8- تنمية مهارات الاستماع والتحدث والانصات
    الوسائل والاجهزة والادوات:1- مسرح عرائس
    2-مجموعة من عرائس العصا تمثل الأعداد من 1 الى 10 وبحجم مناسب لحجم المسرح ورؤية الاطفال لها وملونة بألوان مبهجة ومرسوم لها ملامح وجه لانها سوف تتحدث في المسرحية
    3- كراسات النشاط والوان مع كل طفل للتطبيق التربوي في نهاية القصة


    ــــــــــــــــــــــــــــــــــــــــــــــــــــــــــــــــــــــــ
    اللــــــــــــــهم صلى و سلــــــــــــــــم عـلــــــــــــــى ســـــــــــــــــــــــــــــــــيدنا محمــــــــــــــــــــــــــــد
    avatar
    وينكى

    انثى عدد المساهمات : 353
    تاريخ التسجيل : 08/02/2011
    العمر : 32
    الموقع : http://winky.alamontada.com
    العمل/الترفيه : معلمة اطفال

    رد: الاعداد الشقيه

    مُساهمة من طرف وينكى في الجمعة يونيو 24, 2011 2:33 am



    الأعداد الشقية:
    الاراجوز:السلام عليكم ياأطفال عاملين ايه يالا .... يالا تعالوا معايا لازم تشوفوا الاعداد بتقول ايه
    قال ايه كل عدد فاكر نفسه احسن عدد أنا باقول ان الاعداد كلها حلوة وانها كلها مهمة لكن هما مش مصدقين
    تعالوا نسمع الواحد
    الواحد: ايوة انا احسن عدد انا اول عدد ومفيش حد قبلي وانا واقف مظبوط كده من غير بص كده او كده وانا ماليش مثيل وشكلي كمان جميل
    الاراجوز :وادي الاتنين كمان جت ياتري هتقول ايه
    الاتنين : هاقول ايه .... طبعا انا الاحسن ودي عايزة كلام واحد ايه اللى مالوش ولا سنة ده وجاي يتكلم انا ليا سنة جميلة وبتبص علي الواحد وانا كتير عند الانسان له 2 ودن وله 2 ايد وله 2 رجل وله 2 عين
    التلاتة: اما انتى احسن عدد امال انا ابقي ايه
    الاراجوز: مالك يا تلاتة
    التلاتة: هو أي حد يتكلم ويقول اسمعوني انا انا ليا سنتين وشكلي احلي بكتير وبرضه موجودة كتير الولد هو وماماته وباباه 3 وهو واخواته 3 وركعات صلاة المغرب 3وفي حاجة كمان انا باجمعكم انتم الاتنين عشان 1+2 =3
    الاربعة: كله يسكت بقي اصل انا جيت وانا الاربعة باتنين واتنين يعني 4 مرات من الواحد يعني انا الكبيرة طبعا انا الاحسن وصلاة العصر وصلاة الظهر وصلاة العشا كل واحدة فيهم 4 ركعات انا الاحسن
    الاراجوز: ودي مين اللى جت دي كمان
    الخمسة: ايه الدوشة دي ازاي تتكلموا كده هو انا في زيي انا شكلي زي الكحكة مدور وجميل وعلي قد الصلوات وكمان صوابع الايد اما تتكلموا تخلوا الاحسن هو اللى يتكلم وطبعا هو انا الاحسن
    الستة:انا مش عارفة في ايه الاتنين بتقول ان مفيش زيها وانا طول عمري زعلان عشان انا شكلها بس ببص الناحية التانية وانا اللى جاي بعدها يبقي انا احسن منها
    السبعة: كلكم اتكلموا زي ما تحبوا المهم مين الاحسن فعلا وهو طبعا انا عشان انا بابص لفوق لربنا مش زي التمانية
    التمانية: مالها التمانية زيك بالظبط وعشان الناس مش تتلخبط بقيت انا ابص لتحت لكن طبعا انا الاحسن
    الاراجوز: انتم عاملين دوشة ومش هنخلص انهاردة
    التسعة: انا كمان جيت فين الخمسة صاحبتي انا شكلها اصلي سمعتها بتقول مفيش زيها انا بقي زيها بس كمان ليا واحد ازيد منها ماسك الخمسة كلها وانا جاي بعدها يبقي انا احسن منها
    العشرة: ايه ده اما تتكلموا بعد كده تستنوا اكبر واحدة اما تيجي انا العشرة واحد وجنبي نقطة علي يميني ةعشان ابقي قد صوابع ايديك الاتنين وانا مش عارفة مالكم طبعا انا الاحسن بس كمان انتم مش وحشين
    الاراجوز: انتى فين من الصبح يا عشرة انا عايز اقول حاجة
    كل الاعداد حلوة مفيش عدد احسن من عدد كلنا بنكمل بعض وبنيجي ورا بعض ومش ممكن ينقص واحد مننا ولازم نبقي مرتبين كده
    1-2-3-4-5-6-7-8-9-10
    وكل عدد محتاج لباقي الاعداد عشان يعرف مكانه بينهم يبقي احنا كلنا اخوات والاخوات بيحبوا بعض مش كل شوية يعملوا دوشة ويغيظوا بعض انا زعلان منكم اوي
    العشرة: اوعي تزعل يا اراحوز انا الكبيرة وبإسم كل الاعداد بتأسف لك واحنا مش هنعمل كده تاني كلنا حلوين كلنا اعداد لبعض محتاجين وكمان مع بعض عايشين
    الاراجوز: خلاص خلاص انا مش زعلان بس اما أجي المرة الجاية عايز مع الاعداد الشقية اكون فرحان
    صح يا أطفال لو احنا عرفنا الاعداد ايه رأيكم نرسم كل عدد حبناه ونلونه كمان يالا كل الاطفال الوان الوان
    واقول انا باى باى واجي لكم الاسبوع الجاي
    انتهت المسرحية وارجو ان تعجب الجميع مع العلم انها مجرد اجتهاد وغير منقولة
    ملحوظة: يمكن استخدام تطبيق تربوي آخر هنا وهو عمل مجسمات علي شكل ماسك للأعداد من 1 الى 10 وكل ماسك يدل علي العدد بوضوح ويصنع من الفوم الملون ويمثل الاطفال ادوار الاعداد ويجسد كل طفل عدد من العشرة وبطل المسرحية هو الاراجوز ويجسده طفل ايضا او المعلمة وتقدم كمسرحية علي مسرح المدرسة او في حفل ما وابطالها هم الاطفال.
    ويارب تعجبكم.



    ــــــــــــــــــــــــــــــــــــــــــــــــــــــــــــــــــــــــ
    اللــــــــــــــهم صلى و سلــــــــــــــــم عـلــــــــــــــى ســـــــــــــــــــــــــــــــــيدنا محمــــــــــــــــــــــــــــد

      الوقت/التاريخ الآن هو الأحد ديسمبر 17, 2017 2:16 pm